وطبعا بعد جرعه التاجات المكثفة اللى بعتتهالى ريمو حبيبة قلبى كملت عليا بوبا بتاج جديد
ماشى يا بوبا ميرسى يا حبيبة قلبى على التاج
وهو الحمدلله تاج بسيط
والتاج هو
اقول خمس حاجات محدش يعرفها عنى؟
يمكن تقريبا معظم اللى يعرفونى عارفين انى هادية بطبعى ومش بتكلم كتير
ورغم انى بحب الناس جدا وبحب اصحابى اوى بس برضة كلامى مش كتير معاهم
انا يمكن عندية شوية ودى حاجة محدش يعرفها عنى غير القريبين منى اوى
اوقات كتير من العند بيبقى جوايا تحدى ناحيه حاجة معينه
ولازم اوصلها طالما تحديت نفسى فيها
عصبيه شوية وده حسب الموقف اللى بتحط فيه
لكن اوقات كتير من كتر الضغط مش بعرف اتكلم
مش بحب اطلع اللى جوايا لو مضايقه بحب ديما احتفظ بيه لنفسى
انا بطبيعتى بحب الضحك والهزار بس كتير مايعرفوش عنى كده
يمكن ناس قليله جدا اللى بتكلم معاهم وبضحك وبهزر معاهم الناس القريبه منى اوى
ودول تقريبا معدودين على الصوابع
غير كدة انا مش بعرف ابدأ بالكلام مع حد
لو حد كان بيتكلم معايا وسكت بسكت مش بعرف افتح مواضيع
يمكن بسبب كدة ناس كتير فهمتنى غلط او اخدت عنى
فكرة مش صح انى مش عايزة اتكلم مع حد
بس انا عكس كدة تماما لكن هى طبيعتى ويمكن 3 بالكتير
اللى عارفين طبيعتى دى من اصحابى
عمرى ماعرفت الكره ناحيه اى انسان حتى لو اساء ليا
متسامحة لابعد الحدود وعندى القدرة انى افضل اسامح الى ماشاء الله
عمرى ما شيلت اساءة جوايا ناحيه حد
وده اللى اقدر اقوله عن نفسى ويمكن فعلا ناس كتير ماتعرفش عنى الحاجات دى
وميرسى يا بوبا يا حبيبتى على التاج
وانا برضة بمرر التاج لـــ
shery33
BaDBoY
FatelFury
6 comments:
طبعا شخصية مثالية
هو المفروض ان السؤال عن حاجات محدش يعرفها عنك..يعني تقولي مفاجأت واسرار تنشر لأول مرة
انما طبعا صفات العند والعصبية والميل للهزار اكيد الناس اللي يعرفوكي عارفينها
عموما بوست جميل كالعادة
تحياتي ليكي
اولا ميرسى ليك يا سمير على ردك
بس فعلا الحاجات دى محدش يعرفها عنى
وزى منا قلت ان فى ناس بتفهمنى غلط
لانهم مايعروفوش طبيعتى كويس
و اللى يعرفونى كويس قليلين جدا جدا
يمكن انا بطبعى هادية جدا و محدش يعرف انى عصبيه
وانا فعلا قلت الحاجات اللى محدش يعرفها عنى
ميرسى ليك يا سمير
وديما منورنى
البت هبه دى شريره يا رورو
بعتتلك تاج وبعتتهولى انا كمان
الظاهر اللى الواحد بيعمله فى الناس هيطلع عليه ولا ايه :))))
انا اعرف عنك كل اللى قولتيه
مش عارفه ابقى كده صاحبتك اوى ولا نص نص :)))
luv u
حبيبة قلبى ريمو
من ناحيه هبه شريرة فا هى شريرةههههههه بس مش اوى يعنى
ربنا يخليكوا ليا انتى وهى يارب
اما بقى عن اللى انتى عرفاه عنى
فا اكيد انتى تعرفينى كويس يا ريمو وانتى عارفة انتى ايه بالنسبالى من غير انا ما اقول
وانتى من المعدودين على الصوابع فعلا اللى تعرفينى كويس
تسلميلى يا قمر
وربنا يخليكى ليا يارب
هههههههههههههههه
انتو بتنمو عليا وانا مش هنا ولا اية يا رورا انتى وريمو
بقى انا شريرة:(
دة ان غلبانة خالص مالص
بس انا اعرف عنك كل الحاجات دى
وخصوصا السكوووت ويارب الناس كلها تفهم صح بقى بعدالتاج دة
بس موضوع العند دة يا رورا
قولتى لى مرة بس مكنتش اعرف انة اوى كدة
سيبك المهم انتى وحشتينى اوى اوى اوى
وابقى ادخلى بقى عشان خاطرى
luv u
ونايس بوست يا حبى
انتى حبيبة قلبى يا بوبا
انتى شريرة يا قمر بس احلى شريرة فى الدنيا
ويارب الناس فعلا تفهمنى كويس يا بوبا
وانتى اكيد عرفانى كويس اوى يا قمر
ربنا يخليكى ليا يارب
(k)
Post a Comment