انا لانى متغاظة بجد من حاجات كتير بشوفها وبتحصل
قلت اكتب عن حاجة كل مرة ببقى مفروسة ومتغاظة منها
ودى هاتبقى على حلقات كل مرة ها اتكلم عن حاجة معينه
واكيد هايكون فى ناس كتير مفروسين زيى ومتغاظين من الحاجات دى
اول حاجة بجد ها اتكلم عليها هى البروم
البروم متهيألى معظمنا يعرفوه وهى حفله نهاية السنه الدراسيه
انا لقيت الموضوع ده انتشر بصورة كبيرة اوى واخد حجم اكبر من حجمه
دلوقتى كل ما افتح جريدة او مجله الاقى بروم مدرسة كذا و بروم مدرسة كذا
او بروم كليه كذا لقيت ان الموضوع زاد عن اللزوم
ماشى نعمل حفله لنهاية العام الدراسى ماقولناش حاجة
لكن دى مابقتش حفلات زى اللى كنا بنعملها فى المدارس و نلبس لبس غريب كدة
و نقعد نعمل تمارين رياضيه على موسيقى حلاوة شمسنا واتفرج على الحلاوة حلاوة
الموضوع بقى فعلا اكبر من كده بكتير
دلوقتى بتتحجز قاعات فى الفنادق الكبيرة للبرومات دى
وبيجيبوا فيها مطربين مشهورين لا وكمان ايه البرومات بقت بتذاكر
وطبعا كل شئ بتمنه يعنى كل ما المطرب كان مشهور ومحبوب
كل ما التذكرة بتاعة البروم بتكون اغلى
واللى جننى بجد ان فى مدارس هى اللى بتتولى عمل البرومات دى
و بتبيع التذاكر اللى بتوصل لرقم وجنبه 3 اصفار
بجد مش حاجة تغيظ وتفرس
ولا البنات و الاولاد اللى بيبقوا فى البروم
طبعا كل بنت بتحاول تكون اشيك واحده
و كمان كل ولد بيلبس الحته اللى على الحبل
انا بشوف الصور بتاعت البرومات
بلاقى البنات لابسة فساتين بتكشف اكتر ما بتستر
ولا صورهم وهما بيرقصوا على واحده ونص
دى مابقتش واحدة ونص دى بقت واحدة الا ربع
و طبعا الفساتين دى هى كمان بتتكلف شئ وشويات
وعلشان طبعا فى تنافس كبير بين المدارس وبعضها و الكليات وبعضها
بقوا يخترعوا افكار جديدة للبرومات
دى يعنى مثلا يعملوا الكينج والكوين ملك وملكه الحفله
ودى حاجة طبعا بتخلى البنات و الولاد يتنافسوا فى ان كل واحد يلبس
اغلى حاجة واحلى حاجة
!!!!ونرجع نقول الله دا مافيش فلوس فى البلد
امال الحاجات دى بتيجى منين؟
وكمان صورالبنات مع المطربين الشباب
زى تامر وهيثم شاكر و محمد حماقى تحس ان المطرب فيهم
مش عارف ياخد نفسة من لازقة البنات فيه
الحاجات دى كلها احنا واخدنها من الغرب
طيب ليه مانخدش الحاجات الكويسة اللى عندهم ؟
ليه ديما بناخد اسوء حاجة ونعملها؟
ليه بقينا عاملين زى البغبغانات بنقلد وخلاص ؟
ليه بعدنا عن عداتنا وتقاليدنا وشرقيتنا ؟
وسلملى على وزارة التربيه والتعليم
14 comments:
تصدقى بجد انا عمرك اطول من عمرى
اه وحياه ربنا
لانى لسكه كنت شايفه موضوع حلقه فى التليفزين عن حفلات البروم دى
وكنت كتبت فعلا الموضوع وهنزله فى البلوج عندى
بس يلا انت سبقتى بجد
بصى الموضوع ده رفعلى الضغط بجد
مش ممكن كميه الانحراف والتحرر الى احنا وصلنالها
لا وقمه قله الادب اللى فى الدنيا
قال كل واحد لازم يفضل يكون ليه جيرل فيرند
وكل بنت طبعا مش ينفع تدخل من غير البوى فريند
وحياه ربنا اخر مشخره شفتها
قمه الاستفزاز
حتى فى اللى بغيظ شبهه بعض يا رورو
شكلك هتطلعى توأمى فى الاخر :)))
اولا وحشتينى جدا يا حبيبتى
ثانيا بقى انا هفطس من الضحك على الصورة التحفة دى
بس اكيد دى مش انتى خالص
نيجى لموضوعك
بجد فعلا يا رورا بقت حاجة تفرس
بقينا زى الاجانب لازم نعمل حفلة فى اخر السنة ولازم كل واحدة تدخل ايدها فى ايد ولد
ولو معندهاش البوى فريند دة تستلف واحد عشان تقضى بيه اليوم دة
بجد بقت حاجة مسخرة
ومش بس الحفلات دة الشارع نفسة بقت فية البنات ماشية لابسة من غير هدوم
فعلا حاجة تغيظ وتفرس يا رورا
بس متفرسيش نفسك عشان انتى الى هتضايقى ومفيش حاجة هتتغير
بجد بوست تحفة يا رورا
تسلم ايدك يا حبيبتى(k)
ريمو حبيبه قلبى ربنا يبارك فى عمرك يارب
انا وانتى واحد يا قمر وانا متأكده انتى كنتى هاتكتبيه بطريقتك الجميلة اللى بتكتبى بيها مواضيعك
وهو الموضوع فعلا يغيظ يا ريمو
لان للاسف التحرر اتفهم بطريقة غلط
وبيستخدموه برضة بطريقه غلط
وزى ما انتى بتقولى كل واحده لازم يبقى معاها البوى فريند هى فعلا مسخر بس هقولك بجد العيب مش عليهم لوحدهم العيب على الاهل اللى بتوافق على الحاجات دى لان البيت ديما بيكون الاساس
تسلميلى يا حبية قلبى على ردك
واحنا فعلا ممكن نكون تؤام فى الافكار و الهوايات وحاجات كتير مشتركة بينا
ويارب نفضل كدة على طول تؤام وربنا يديم الصداقة اللى بينا يارب (k)
بوبا حبيبة قلبى انتى كمان وحشتينى اوى اوى
ماتحرمش من سؤالك عليا يارب
ودى صورتى يا بوبا بس الغيظ عمل معايا نيو لوك جديد ههههههههههه
احنا فعلا يا بوبا للاسف مش بناخد من الغرب غير الحاجات السيئة بس
رغم ان عندهم حاجات لو عملنا زيهم هانكون احسن منهم كمان
لكن الواحد بجد بيستغرب من اللى بيشوفه بيحصل بس على رأيك اضايقنا ولا ما اضايقناش مافيش حاجة هاتتغير
ويبقى الحال على ماهو عليه
تسلميلى يا قلبى على ردك الجميل (k)
حبيبت قلبي مش لازم تتفرسي ولا حاجه
رغم ان شكلك اطور اوي وانتي مفروسة
ههههههههههههههه
الموضوع ده فعلا منتشر من فتره
ومش حاجه جديده اننا نقلد الغرب
طول عمرنا بناخد الجانب السئ منهم
بس العيب مش على اللي بيروحو البرومات
ولا اللي بيعملوها
لان اللي بيعملوها بيعملوها وعارفين انهم هيكسبو من وراها
بالعكس ده الطلبة كمان هي اللي بتتحايل عليهم يعملو بروم
وهما اللي بيحددو المطربين
وهما اللي بيدفعو
العيب الحقيقي على الاهالي اللي بتدفع
وبتوافق ان اولادها يروحو بالمناظر اللي بنشوفها
وغير البروم كل شويه بارتي
ويلكم بارتي
وباي باي بارتي
واي حاجه بارتي
المهم ان يبقى فيي اي حاجه تجيب فلوس
وكله قلت ادب والله
موضوع هايل
بس مش كل ما تتفرسي تكسري الكمبيوتر
احلي سلام له انا هبعتله بالنيابه عنك ياروح قلبي مافيش مشاكل
وانتي زعلانه ليه ياروبي هو انتي اللي بتدفعلهم ماتسيبهم يسترزقوا تطلعها بعريس ولا حاجه ههههههههه
لا بجد انا الحاجات دي شوفتها علي art كتير وشكلهم بجد والبنت المحجبه فيهم تلقيها لبسها عادي وفستان ضيق وعادي جدا بس هنعمل ايه يابنتي الحل فيهم هما مش فينا بس انا لو مكانهم هروح
انتي لو كنتي مكانهم مش هتروحي؟
بتتريق على شكلى يا شيرى
دنا حتى عامله نيو لوك جديد هههههههههههه
الموضوع فعلا انتشر يا شيرى واكيد بيكون فيه مكاسب طبعا والا ماكنش زاد بالطريقة دى
بس هى حاجات كل يوم والتانى عاملين يخترعوها و يقلدوا الغرب وخلاص
مجرد تقليد اعمى
ميرسى ياجميل ديما منورنى
تسلميلى يا ميرو انتى تسلمى انا اسلم المهم السلام يوصل فى الاخر هههههههههه
وبعدين اكيد لازم ازعل يا ميرو
لان الحاجات اللى بنشوفها خرجت عن حدود الاصول
انا مش بعترض على حفلات البروم لكن بعترض على اللى بيحصل فيها
وهى حاجة فعلا تغيظ
ولو انا مكانهم مش ها اروح يا ميرو لانه مبدأ مرفوض بالنسبالى من الاساس
تسلميلى يا قمر على ردك
معاكي حق والله انا برضة موضوع البروم دة بيستفزني جدا
وخاصة ان مارس وابريل من كل سنة هو مولد سيدي البروم في انحاء المحروسة...وهي طبعا مش كل المحروسة لأن موضوع البروم دة اساسا قاهرة واسكندرية
الغريب بقى في الموضوع ان البنات دول المفروض انهم ثانوي انما لبسهم مش لبس بنات ثانوي خاااااااااااالص
واضح كدة ان المدارس معدتش مدارس وانها بقت سبوبة ومن يوم ما الكليات الخاصة بقت بتخرج اطباء وصيادلة
قولي ع التعليم يارحمن يا رحيم
هو فعلا موضوع البروم كتر جدا بس هوا فى حد ذاته شىء مش وحش بس احنا اللى بدانا نتصرف فيه بشكل سىء يعنى انا شايفة ان اقامة حفلة فى نهاية العام الدراسى شىء كويس جدا بس ليه ميكنش زى زمان تكون الحفلة فى المدرسة او الجامعة هوا يمكن تقولى التقليد الاعنى للغرب هو اللى عمل كدا فينا
انا اول مرة ازور مدونتك بس بجد هيا مدونة حلوة اوى وان شاء الله هدوام فى زيارتى ليها
تحياتى
الموضوع فعلا بيستفز ناس كتير يا سمير
وفعلا فى مارس وابريل البرومات بتكتر اوى بس بتكون فى القاهرة كمان اكتر من اسكندرية وبعدين بكرة الموضوع ينتشر ويوصل لباقى المحافظات ماهى دى البداية
اما عن اللبس ولا حرج يعنى مالوش دعوة خالص بسن البنات فعلا ورغم ان فى منهم فى ثانوى بس مش ممكن بلبسها ده تديها سنها واكيد المدارس بيدخلها ربح من بيع التذاكر بتاعت حفلات البروم لان
التذاكر بتوصل فعلا لمبالغ خياليه
وهو اتقال على التعاليم خلاص يا رحمن يا رحيم مش لسة هانقول والله
ميرسى ليك جدا يا سمير على ردك ورأيك
اولا ميرسى ليكى يا ملاك على تشريفك المدونة عندى واكيد منورة وياريت تنورينى ديما بوجودك وردودك
انا فعلا يا ملاك مش معترضة على البروم لكن اعتراضى على اللى بنشوفه واللى بيحصل فى البرومات حاليا
كان الاول بتكون حفله بسيطة فى المدرسة او الكليه
لكن دلوقتى الموضوع اخد شكل مختلف تماما ودخلت فيها مصالح وبيزنيس
علشان كدة البرومات بقت بجد شئ مستفز
لانها بقت تقليد اعمى للغرب من غير تفكير مجرد تقليد وخلاص
وياريت بجد ترجع الحفلات زى الاول فى المدرسة اوى الكليه اكيد هاتكون افضل
ميرسى ليكى يا ملاك على ردك
ونورتى المدونة
علي فكره انا مش عارفه احنا ليه مفروسين
وفارسين نفسنا كده مفيش اي كلام لينا
هاياثر ولاهايغير الموضوع كالعاده يعني
لان الموضوع ككل سنه بيزيد عن الي قبلها
انا بجيب مجله عين من 3 ثانوي تقريبا
كانت الحفلات دي ايامها بتتعمل في الجامعات الخاصه بس وكانت بتبقي جوه الجامعه
دلوقتي انا في 3جامعه والمووضوع كبر اوي
عدي الجامعات الخاصه
بقي دلوقتي في المارس التجريبيه
والثانويه كفايه اوي شكل بتوع الثانويه دول بالسواريهات والمسخره
بس بنشوف وبتكلم وخلاص
ونوجع قلبنا في الفاضي
هما اهاليهم راضيين بكده هما حرين
يتحاسبوا علي كده هما
وسلملي علي وزراه التربيه والتعليم
وعلي اراي المثل
اللي معاه قرش محيره يعمل بروم ويصوره
ميرسي يارحاب علي البوست
بس مش تشغلي دماغك بالناس الفاضيه دي
والله يا مى هى فعلا حاجة تفرس انا عارفة ان كلامنالا ها يقدم ولا يأخر بس اهو نتكلم احسن ما نموت من الفرسة هههههههههههه
وهى حفلات البروم فعلا من زمان وكانت مختلفه تماما عن اللى بيحصل دلوقتى
وفعلا العيب من الاهالى اللى بتسمح بشئ زى ده وبتسمح لبناتهم باللبس اللى بيلبسوه يعنى البنت تبقى 16 ولا 17 سنه و من لبسها تديها 25 سنه
هانقول ايه بس ربنا يهدى يارب
ميرسى ليكى يا يا قمر على ردك الجميل
و ديما منورانى يا قمر
Post a Comment