انا يمكن بقالى كتير ما نزلتش حاجة فى البلوج
بس التاج لما جانى من حبيبة قلبى ريمو
كان لازم ادخل و ارد طبعا على السؤال
وهو يمكن زى ما ريمو قالت ان السؤال ممكن يكون سهل
بس اجابته تحتاج كلام كتير
والسؤال كان
تكلم عن هواية لما بتمارسها بتستغرق فيها تماماً
وتنفصل عن عالم الواقع لفترة من الوقت أثناء ممارستها
بس انا ها احاول اختصر على قد ماقدر
وانا لما قريت كلام ريمو اكتشفت ان فى حاجات كتير مشتركة بينا
والحمدلله احنا اصحاب وريم صديقتى واختى وحبيبة قلبى
انا كمان بحب الرسم من صغرى وكنت كل ما اشوف اى حاجة ارسم عليها
مش هاتفرق هى ايه ورقة حيطة كرتونة كل حاجة كنت برسم عليها
بس رسمى ديما كان عن الطبيعة ماعرفش ارسم بورتريه
لكن ارسم شجر بحر اى حاجة من الطبيعة
كان نفسى ادخل كليه الفنون الجميلة لكن هو النصيب
انى مقدرتش ادخل الكليه اللى بحبها
بحب اوى ارسم كاريكاتير وبرسم اشكال غريبه
و بحب الرسم على الازاز ورسمت حاجات كتير على الازاز
الرسم هو كان اهم حاجة عندى
وعندى هواية تانيه يمكن هى غريبه شوية بس هى برضة فعلا ممتعه
وهى حل الكلمات المتقاطعة
يمكن مافيش بنات بتحب تحل الكلمات المتقاطعة
لكن انا بلاقى متعة بجد وانا بحلها واحاول اعرف معلومات جديدة
علشان اعرف احلها وهى على فكرة هى بتخلى الواحد
يكتسب معلومات عامه حلوة اوى
بس للاسف كل ده اتنسى مجرد ما بدأت ادخل عالم النت
ويمكن النت هو هوايتى دلوقتى
النت عالم بجد غريب وعجيب اى حد بيدخله بيشده من اى حاجة تانية
يمكن بيعزلك عن العالم الخارجى اللى انت فيه
ويمكن النت هو الحاجة الوحيدة اللى لما بكون عليه
بيعزلنى عن اى حاجة تانية
وخصوصا لما بيكون ليك اصدقاء بتحبهم وبتتكلم معاهم
يمكن النت اخدنى من حتى اصدقائى فى الحقيقة
عزلنى عن كل حاجة
حتى الخروج مابقتش احب اخرج علشان اقعد على النت
وانا بجد مش عارفة هو ادمان ولا تعود
والنت زى ما قالت ريم كل مابتعرف فيه حاجة
وبتتعلم بتبقى عايز تعرف المزيد
نفسى بجد اتعلم كل حاجة عن النت
وانا اكيد بيأثر عليا هوايتى الاولى اللى هى الرسم
علشان كدة بحاول اكتشف كل جديد فى الصور
بجمع كمية صور كبيرة جدا
يمكن انا دلوقتى بحاول ارجع تانى لموضوع الرسم
بس بطريقة متطورة شوية وهى انى ادرس الفوتو شوب
لانى اكيد ها استفيد ولانى اصلا بحب الرسم وهو هوايتى الاساسيه
وفى نفس الوقت مش هبعد عن النت فا اكيد هايكون شعور جميل انك
ترجع لهوايتك الاولى مع هوايتك اللى اخدتك من العالم اللى انت عايش فيه
وهى النت يعنى زى ما بيتقال بتضرب عصفورين بحجر واحد
وفى الاخر بقولك ميرسى ليكى يا حبيبة قلبى على التاج
وانا ها امرر التاج على اصدقاء ليا بحبهم وبعزهم
وهما
Meroooo
YoYo
Fatalfuoy
BaDBoY
واكيد طبعا لازم التاج يمر على حبيب قلبى
BaDBoY
واكيد طبعا لازم التاج يمر على حبيب قلبى
Sheryy
8 comments:
انتى اللى حبيبه قلبى يا رورو
انتى عارفه انتى غاليه عندى ازاى
وفعلا فى حاجات كتير مشتكره بينا
جميله اوى هواياتك يا قمر (K)
اهلا رحاب:
والله فكرتيني بالكلمات المتقاطعة اللي بحبها فعلا ونسيت اكتبها في البوست اللي برد فيه على التاج دة
على فكرة في كمان لعبة ارقام اسمها سودوكو تحفة كمان جربي تلعبيها هتلاقيها في المصري اليوم لو بتقريها
معلش انا دخلت حامي كدة من غير سابق معرفة
ياريت تشرفي المدونة بتاعتي بالزيارة
ريمو حبيبة قلبى تسلميلى يا قمر
وانتى كمان يا قلبى غاليه عندى اوى اوى وانا اتبسطت جدا لما لقيت اننا مشتركين فى حاجات مع بعض
واهم حاجة بجد مشتركين فيها هى حبنا لفيروز
انتى اكيد عارفة انا بحبها ازاى
ومتهيألى ان فيروز ما يختلفش عليها اى اتنين فى حبها
تسلميلى يا قمرى (k)
اهلا بيك سمير
نورت البلوج
وميرسى بجد على ردك
و الكلمات المتقاطعة فعلا من الهوايات الجميله بس يمكن مش كتير بيحبوها رغم انها مفيدة جدا وبتدى الواحد معلومات عامه حلوة اوى
انايمكن مش بجيب المصرى اليوم لكن بحل اى كلمات متقاطعة فى اى جريدة تقع تحت ايدى وانا جربت لعبه السودوكو مرة تقريبا او مرتين وهى فعلا لذيذة جدا
وميرسى جدا بجد على ردك وان شاء الله اكيد ها يكون ليا زيارة للمدونة عندك
ميرسى جدا ليك
حبيبتى رورا
بجد فرحانة جدا ان فى حاجات كتير طلعت مشتركة بينا
بس حلوة اوى هواية الكلمات المتقاطعة
انا بحب احلها بس فى كتب فلاش جيب
بس مش مدمنة يعنى
حلوة اوى هواياتك يا حبى
وربنا يخليكى ليا يارب
ميرسى ليكى اوى يا رورا
بجد انبسطت جدا بالتاج
وبهوياتك الجميله ربنا يخليكى يا حبيبتى
حبيبة قلبى بوبا
انا بجد فرحانة جداان هوايتى لقيت اصحابى اللى بحبهم هما كمان بيشاركونى فيها
ودى بجد حاجة خليتنى سعيدة اوى اوى
وحل الكلمات المتقاطعة بجد انا بحبها جدا وبفرح اوى لما بكتسب معلومة جديدة منها
تسلميلى يا حبيبة قلبى
ويخليكى ليا يارب
يويو حبيبة قلبى تسلميلى يارب يا قمر
والحمدلله يا قلبى انك اتبسطى
واكيد اى حد فينا بيتبسط لما بيتكلم عن نفسةفى حاجات معينه يمكن ناس كتير ماتعرفهاش عنه
ودى حاجات بتخلينا نعرف بعض اكتر
تسلميلى يا حبيبة قلبى على ردك
Post a Comment