مش عارفة ليه حاسه انى مخنوقة
جوايا حاجات كتير نفسى اقولها
بس مش عارفة اتكلم نفسى اقول كل اللى جوايا
مابقتش فاهمة حاجة ولا بقيت عارفة حاجة
مش عارفة فين الصح وفين الغلط
انا اللى غلط ولا الناس هى اللى غلط
حاسه انى فى زمن كله خداع وكدب وتمثيل
مشكلتى بجد انى مش بعرف اقول اللى جوايا
بتعب اوى بجد ببقى نفسى اخرج اللى جوايا ومش بعرف
نفسى اعيش فى مكان مافيهوش بشر
يمكن علشان مش بعرف اقول اللى جوايا لما ببقى مضايقة
بسمع ديما اغنيه كوكب تانى بحس ان كلام الاغنيه دى
بيقول كل كلمه جوايا نفسى اقولها
علشان كده انا نفسى اكتب كلمات الاغنيه
لان كلامها ها يقول حاجات كتير جوايا
* * *
كوكب تانى
_ _ _
رافضك يا زمانى
يا أوانى
يا مكانى
أنا عايز أعيش فى كوكب تانى
فيه عالم تانى فيه لسه أمانى
فيه الإنسان لسه إنسان
عايش للتانى
.......
عالم تيارو رياحه قوية
بتهد كيانى تكسر فيا
من غير مواعيد بتاخدنى بعيد
عن معنى حياتى
عن أصلى و ذاتى
وده مش بإيديا
وده مش بإيديا
......
فيه سد منيع عالى و فظيع
عالى وفظيع
بينى و بين نفسى
بين روحى و رسمى
بين يومى و أمسى
و اللى اتمنيته و بنيته فى الهوا بيضيع
و ده موش بإيديا
وده موش بإيديا
......
مكبوتة فى قلبى أحلام محسورة
و حطام أفكار أيتام مبتورة
و آمال مطوية بتعافر فيا
و كأن أوانى كان لسه شوية
و كأن أوانى كان لسه شوية
......
و فى وسط الناس و الزحمة
تاه الإحساس و الرحمة
ضاع منى سلامى
تاه حتى كلامى
ضاق بيا مكانى
كداب يا زمانى
كداب يا زمانى
......
رافضك يا زمانى
يا أوانى
يا مكانى
أنا عايز أعيش فى كوكب تانى
2 comments:
رحاب بجد
احساسك نفس احساسى
واظن انى عارفة السبب
بجد انا تهت
مبقتشعارفة فين الصح وفين الغلط
ولية الناس بقت كدة
نفسى بجد الناس تبطل نفاق بقى
فعلا حرام الى بيحصل دة
قربت افقد الثقة فى كل الناس
ومتزعليش يا حبيبتى
بس اهم حاجة تبقى فاهمة الى قدامك دة اية وبيفكر ازاى
وسيبية بقى يعيش وهمة مع نفسة وربنا يهدية
بجد يا بوبا الاحساس ده بيبقى صعب اوى اوى
احنا بقينا تايهين مش عارفين الصح من الغلط فعلا
بس الناس عمرها ما هاتبطل نفاق او كذب او خداع
وربنا يهدى الناس يارب
تسلميلى يا حبيبة قلبى يارب
Post a Comment